Машҳур футболчи 4 йилга спортдан четлатилди
Tuttosport нашри хабарига кўра, «Ювентус» ярим ҳимоячиси Пол Погба допинг истеъмол қилгани учун 4 йилга футболдан четлатилди. Францияликнинг топширган анализида тестостерон даражаси жуда юқори эканлиги аниқланди.
Пол Погба 2012 йилдан 2016 йилгача «Ювентус»да ўйнаган ва 2022 йилнинг ёзида Туринга қайтган. 2023/24 йилги мавсумда ярим ҳимоячи клуб сафида барча мусобақаларда бор йўғи 10 та ўйинда майдонга тушиб, битта голли узатмани амалга оширган.
Футболчининг Турин клуби билан шартномаси 2026 йилнинг июн ойи охиригача амал қилади.
Трансфермаркет портали футболчининг нархини 20 миллион еврога баҳолаган.
Аввалроқ, «Ювентус» Погба расман дисквалификация қилинган тақдирда, у билан шартномани бир томонлама бекор қилиши мумкинлиги маълум бўлганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter