Коронавирус пандемияси туфайли тўхтаб қолган Испания чемпионати (Ла Лига) бугун, 11 июндан (бизнинг вақт билан 12 июнь тунги соат 02:00 да бошланади) қайта старт олади.

«Катта танаффус» футболчиларнинг жисмоний ва руҳий ҳолатига жиддий таъсир ўтказгани аниқ. Албатта, бу таъсир фақат салбий кўринишда бўлмаслиги, футболни соғинган, жароҳатларидан фориғ бўлган ўйинчилар ажойиб футбол-шоулари тақдим этишларини кутиб қоламиз.

Барча ўйинлар томошабинларсиз стадионларда ўтказилади, буни бамисоли меҳмонсиз тўйхонага ўхшатиш мумкин. Аммо шундан ҳам ҳикмат қидириб кўрамиз, минглаб мухлисларнинг ҳайқириғи ўрнига севимли футболчиларимизнинг бақир-чақири, тўққизликка жойланган тўпдан чиққан овозни эшитиш — бунақаси ҳар доим ҳам бўлавермайди.

Рестарт «Севилья» — «Бетис» чекига тушган (11 июндаги ягона ўйин, бизнинг вақт билан 12 июнь тунги соат 02:00 да бошланади).

Сершовқин футбол ҳадемай қайтишига умид боғлаган ҳолда Ла Лиганинг 28-тур жадвалига кўз ташлаймиз (барча ўйинлар ўзимизнинг сана ва вақтда берилган):

12 июнь

• Севилья — Бетис, 02:00
• Гранада — Хетафе, 23:30

13 июнь

• Валенсия — Леванте, 02:00
• Эспаньол — Алавес, 18:00
• Сельта — Вильярреал, 21:00
• Леганес — Вальядолид, 23:30

14 июнь

• Мальорка — Барселона, 02:00
• Атлетик — Атлетико, 18:00
• Реал Мадрид — Эйбар, 23:30

15 июнь

• Реал Сосьедад — Осасуна, 02:00