«Барселона» «Реал»ни енгиб, чемпионликни деярли ҳал қилди
Испания Ла Лигасининг жорий мавсуми тугашига уч тур қолганида «Барселона» чемпионлик масаласини деярли ҳал қилди. Азалий рақиб ва турнир жадвалидаги энг яқин таъқибчи — «Реал Мадрид» Каталонияда 4:3 ҳисобида мағлуб этилди.
Килиан Мбаппе 5-дақиқада пеналтидан ҳисобни очди. У 14-дақиқада яна гол киритиб, жамоасининг устунлигини оширди. Аммо каталонияликлар тезда ўзларига келишди — танаффусга қадар мадридликлар дарвозасига Эрик Гарсия ва Ламин Ямал биттадан, Рафиня иккита гол йўллади. Иккинчи таймдаги ягона гол эса Мбаппе ҳисобига ёзилди — ҳет-трик.
Испания чемпионати турнир жадвалида «Барселона» 82 очко тўплаб, 1-ўриннни мустаҳкам эгаллаб турибди. «Реал» 75 очко билан 2-ўринда. Учинчи ўриндаги «Атлетико» ҳисобида 70 очко бор.
Чемпионатдаги навбатдаги ўйинни «Барселона» «Эспаньол»га қарши, «Реал» «Мальорка»га қарши ўтказади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter