Карим Бензема — француз футболи рекордчиси!
Франция терма жамоаси ва «Реал Мадрид» ҳужумчиси Карим Бензема француз футболи тарихидаги энг яхши тўпурарга айланди.
34 ёшли футболчи Испания чемпионатида «Мальорка» дарвозасига иккита гол киритди, якунда «Реал» 3:0 ҳисобида ғалаба қозонди.
Ушбу икки гол «Реал» форвардининг фаолияти давомида урган голлари сонини 413 тага етказди. Энди Бензема — энг кўп гол урган франциялик. Тьерри Анри иккинчи ўринга тушди — 411 та гол.
Карим Бензема фаолиятини Лионда бошлаб, 2009 йилда Мадридга ўтган. «Реал» билан бирга Испаниянинг уч карра чемпиони, икки карра кубок соҳиби, тўрт маротаба ЕЧЛ чемпиони бўлган.
Бензема — кетма-кет 18 йилдан бери Европа чемпионлар лигасида гол урган ягона футболчи.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter