Испания чемпионати (Ла Лига)нинг сўнгги туридан ўрин олган барча ўйинлар якунига етди.

Сўнгги турда еврокубоклар йўлланмаси учун курашаётган «Валенсия» ва «Гранада» ҳамда Ла Лигада жон сақлаб қолиш ҳаракатидаги «Сельта» ва «Леганес» иштирокидаги ўйинлар барчанинг диққат марказида турди. Энг қизиғи, ҳал қилувчи ўйинда «Сельта» турнир жадвалидаги сўнгги жамоа, Сегундага аллақачон тушиб кетишга улгурган «Эспаньол» меҳмони бўлган бўлса, «Леганес» бир тур аввал чемпионликни расмийлаштирган «Реал»ни қабул қилди.

Ҳар икки ўйин ҳам дуранг билан тугади:

Леганес — Реал: 2:2

Эспаньол — Сельта: 0:0

«Севилья» урган ягона гол «Валенсия»ни еврокубоклардан маҳрум қилган бўлса, гранадаликлар «Атлетик Билбао»ни йирик ҳисобда енгиб, нуфузли турнирга йўл олишди.

Севилья — Валенсия: 1:0

Гранада — Атлетик: 4:0

Қолган натижалар:

Алавес — Барселона: 0:5

Атлетико — Реал Сосьедад: 1:1

Леванте — Хетафе: 1:0

Осасуна — Мальорка: 2:2

Вильярреал — Эйбар: 4:0

Вальядолид — Бетис: 2:0

«Реал», «Барселона», «Атлетико», «Севилья» келаси мавсумда Чемпионлар Лигасида, «Вильярреал», «Реал Сосьедад» ва «Гранада» Европа Лигасида омадини синаб кўради.

«Эспаньол», «Мальорка» ҳамда «Леганес» Сегундага тушиб кетди.

Якуний жадвал