Испан клуби ўзбекистонлик футболчига 4 йиллик шартнома таклиф қилди
Ўзбекистон терма жамоаси ва «Насаф» клуби ярим ҳимоячиси Азизжон Ғаниев Испанияга йўл олиши мумкин.
«Сhampionat.asia» сайтида ёзилишича, унга «Тенерифе» клуби 4 йиллик шартнома таклиф қилган. Аммо испанлар Ғаниевни эркин агент сифатида ёки жуда кам пул эвазига ўз сафларида кўришмоқчи. Агар футболчи рози бўлса ҳеч қандай кўриксиз 4 йиллик шартнома тузиш таклиф этилган.
«Насаф» эса айни пайтда молиявий қийинчиликларни бошдан кечирмоқда ва ўз етакчисини 1 миллион доллардан камига қўйиб юбормоқчи эмас.
1912 йилда ташкил топган «Тенерифе» клуби айни пайтда Испания Сегундасида (Ла лигадан кейинги лига) иштирок этмоқда. Жамоани машҳур собиқ футболчи Хосеба Эчеберриа бошқариб бормоқда. Сўнгги бор клуб 2010 йилда Ла лигада иштирок этган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter