Франция чемпионатида оммавий жанжал чиқди (видео)
Франция чемпионатининг 3-туридан ўрин олган «Ницца» ва «Марсел» ўйини охирига бормай тўхтатилди ва номаълум муддатга қолдирилди.
Иккинчи тайм охирларида мухлислар пластик буюмларни стадионга ота бошлаган. Улардан бири майдон четидаги Дмитрий Пайетга бориб теккан.
Ҳамма жанжал шундан бошланган. Пайет пластик идишни қайтариб мухлисларга отган. Жаҳлдор фанатлар эса бирин-кетин майдонга тушган.
Оммавий жанжалда «Марсел»нинг камида 3 футболчиси жароҳатланган. Ниццаликлар ҳаммаси тинчигач, ўйинни давом эттиришга майдонга тушишган, аммо марселликлар қайта ўйнашни истамаган.
Ўйин шу тариқа номаълум муддатга қолдирилган, якуний хулоса кейинроқ маълум қилинади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter