Бугун, 14 декабрь куни УЕФАнинг Ньон (Швейцария)даги штаб-квартирасида Тошкент вақти билан соат 16:00 да Европа Чемпионлар лигаси 1/8 финали жуфтликларини аниқлашга бағишланган қуръа ташлаш маросими бошланади.

Маросимни «Футбол ТВ» телеканали жонли эфирда намойиш этишни режалаштирган.

Аввал хабар берганимиздек, 16 жамоа гуруҳдан чиққан (биринчи ва иккинчи ўринлар эгалари). Ўз навбатида, улар икки саватга тақсимланган: гуруҳ ғолиблари ва иккинчи ўрин соҳиблари.

Бир мамлакат ва бир гуруҳдан чиққан жамоалар бу босқичда бир-бирига тўқнаш келмайди. Ўзаро тўқнашувлар (бир мамлакат вакиллари ёки бир гуруҳга тушганлар) фақат чорак финалдан ва уёғига бошланади.

Ўз гуруҳлари ғолибларида кичик устунлик бор: жавоб ўйинларини ўз майдонларида ўтказишади.

САВАТЛАР

Биринчи:

• «Бавария» (А гуруҳи)
• «Реал» (В гуруҳи)
• «Манчестер Сити» (С гуруҳи)
• «Ливерпуль» (D гуруҳи)
• «Челси» (E гуруҳи)
• «Боруссия» Дортмунд (F гуруҳи)
• «Ювентус» (G гуруҳи)
• «ПСЖ» (H гуруҳи)

Иккинчи:

• «Атлетико» (А гуруҳи)
• «Боруссия» Мёнхенгладбах (В гуруҳи)
• «Порту» (С гуруҳи)
• «Аталанта» (D гуруҳи)
• «Севилья» (E гуруҳи)
• «Лацио» (F гуруҳи)
• «Барселона» (G гуруҳи)
• «РБ Лейпциг» (H гуруҳи)

Ўйинлар қачон?

1/8 финалнинг илк ўйинлари 16/17/23/24 февраль, жавоб ўйинлари 9/10/16/17 март кунлари ўтказилади. 19 март куни 1/4 ҳамда 1/2 финалга қуръа ташланади.

Эслатиб ўтамиз, ЕЧЛнинг амалдаги чемпиони — «Бавария» (Германия).