Куни кеча, 27 феврал куни ФИФА 2022 йилнинг энг яхшиларини эълон қилди.

The Best мукофотини Аргентина ва «ПСЖ» клуби ҳужумчиси Лионель Месси қўлга киритди. У асосий тақибчилари – Килиан Мбаппе ва Карим Бенземани ортда қолдирди.

Эслатиб ўтамиз, Месси  Қатарда ўтган жаҳон чемпионатида чемпионликни қўлга киритган ва турнирнинг энг яхши ўйинчиси деб топилганди.

Шу тариқа у 2-бор The Best совринига эга чиқиб, Криштиану Роналду ва Роберт Левандовскига етиб олди.

The Best мукофотининг барча ғолиблари:

Энг яхши футболчи – Лионель Месси («ПСЖ» / Аргентина);

Энг яхши мураббий – Лионель Скалони (Аргентина миллий жамоаси);

Энг яхши дарвозабон – Эмилиано Мартинес («Астон Вилла» / Аргентина);

Энг чиройли гол муаллифи – Марсин Олексин («Варта Познан» / Польша);

Fair Play соврини – Лука Лочошвили (Грузия)

«Энг яхши мухлислар» — аргентиналик мухлислар;

Рамзий терма жамоа:

Дарвозабон: Тибо Куртуа («Реал» / Бельгия);

Ҳимоячилар: Ашраф Ҳакими («ПСЖ» / Марокаш), Виржил Ван Дейк («Ливерпуль» / Нидерландия), Жоау Канселу («Бавария» / Португалия);

Яримҳимоячилар: Кевин де Брюйне («Манчестер Сити» / Бельгия), Лука Модрич («Реал» / Хорватия), Каземиро («МЮ» / Бразилия);

Ҳужумчилар: Килиан Мбаппе («ПСЖ» / Франция), Карим Бензема («Реал» / Франция), Эрлинг Ҳоланд («Манчестер Сити» / Норвегия), Лионель Месси («ПСЖ» / Аргентина).