Ўзбeкистон Рeспубликаси Давлат статистика қўмитаси 2019 йилнинг январь ойида Ўзбекистон Республикаси истеъмол секторидаги инфляция даражасини эълон қилди.

Унга кўра, асосий турдаги деярли барча турдаги озиқ-овқат маҳсулотларининг нархлари ошган.

Нархларининг ўсиши борасидаги етакчилик мева-сабзавот маҳсулотлари ҳиссасига тўғри келади: ой давомида ўртача 8,3 фоизга қимматлашиш.

Кейинги ўринни спиртли ичимликлар маҳсулотлари (3,7 фоиз) эгаллаган.

Алоҳида гуруҳлар бўйича озиқ-овқат маҳсулотларининг истеъмол нархлари индексини қуйида кўриш мумкин:

2019 йил январь ойида ҳам асосий турдаги нон маҳсулотлари нархлари қимматлашишда давом этди: 

• ун, нон ва нон маҳсулотлари, гуруч, ёрма ва дуккакли маҳсулотлар нархлари ой давомида 0,2 % дан 3,7 % оралиғида қимматлашди.

Ой давомида буғдой уни нархи Қорақалпоғистон Республикаси (6,9 %) ва Сурхондарё вилоятида (5,5 %) сезиларли даражада қимматлашганлиги кузатилган бўлса, минимал суръатда ошганлиги эса Хоразм вилоятида қайд этилган (0,6 %). Андижон, Бухоро, Навоий, Наманган, Самарқанд ва Фарғона вилоятларидаги нархлар ой давомида ўзгаришсиз қолган. 

Олий навли буғдой унидан нон нархлари уч ҳудудда ошган: булар, Қорақалпоғистон Республикаси (13,3 %), Сурхондарё вилояти (9,6 %) ва Тошкент шаҳрида (13,1 %). 1-навли буғдой унидан нон нархлари Қорақалпоғистон Республикасида (1,2 %), Сурхондарё (6,6 %) ва Фарғона (5,0 %) вилоятларида қимматлашган.