Кундалик ҳаётда харидлар мунтазам равишда амалга оширилади. Бу шунчалик одатий ҳолга айландики, истеъмол саватчасига айнан нима тушиши ҳақида камдан кам одам ўйлайди. Импульсив қарор сизга ёмон таъсир қилиши мумкин — бунда сохта нарсани сотиб олиш хавфи юқори. Шунда истеъмолчининг ҳаёти ва соғлиғига нисбатан хавф юзага келади. Бу, айниқса, қадоқланган сув, алкоголли ва алкоголсиз ичимликлар ва дори воситалар каби товарлар тоифаларини сотиб олишда долзарб бўлиб, бунда стандартлардан озгина четга чиқиш ҳам соғлиқ учун жиддий оқибатларга олиб келиши мумкин. Ва бу ерда ёрлиқдаги маълумотларни йўл-йўлакай эмас, балки маҳсулот танлашга вазминлик ва ақл билан ёндашиш муҳимдир.

Контрафактнинг кутилаётган таҳдиди

Дўкон пештахталарида кўпинча қалбаки маҳсулотларга дуч келиш мумкин: шиша идишлардаги сув, шарбатлар ва одатий газланган ичимликлардан тортиб маиший техникагача, барча маҳсулотлар истеъмолчи учун хавф туғдириши мумкин.

Дори воситаларни сотиб олишда контрафакт маҳсулотларни сотиб олиш хавфи айниқса юқори: Жаҳон соғлиқни сақлаш ташкилоти (ЖССТ) маълумотларига кўра, тиббий маҳсулотларнинг камида ҳар ўнтадан биттаси ностандарт ёки қалбакилаштирилган. Бундай препаратлар таркибида фаол компонентлар бўлмаслиги ёки хавфли моддалардан ташкил топган бўлиши ҳам мумкин.

Масалан, қалбаки алкогол таркибида метанол — истеъмол қилинганда заҳарланиш ёки ўлимга олиб келиши мумкин бўлган модда бўлиши мумкин.

Худди шундай, минерал ёки артезиан суви ниқоби остида сотувчилар баъзида жўмракдан оддий сувни таклиф қилишади, бу эса соғлиқнинг ёмонлашиши ва жиддий касалликларнинг пайдо бўлиши хавфини туғдириши мумкин.

Ҳатто маиший техникани танлаш ҳам замонавий истеъмолчидан алоҳида эҳтиёткорликни талаб қилади. Сохта уй-рўзғор буюмлари, хоҳ у музлатгич ёки миксер бўлсин, нафақат молиявий йўқотишлар хавфини туғдириши, балки одамларнинг соғлиғига ҳам таҳдид солиши мумкин. Бундай товарлар хавфсизлик текширувидан ўтмайди ва исталган вақтда шунчаки ишдан чиқиши ёки ёнғинга сабаб бўлиши мумкин.

Рақамли маркировка: янги хавфсизлик даражаси

Замонавий технологиялар қалбаки маҳсулотлардан ҳимоя қилиш учун самарали ечим —рақамли маркировкани таклиф этади. Махсус Data Matrix коди ёрдамида маҳсулот ҳақида тўлиқ маълумотни: ишлаб чиқарувчи, маҳсулот хусусиятлари ва унинг таъминот занжири ҳақидаги маълумотларни тезда олиш мумкин. Бу нафақат ҳақиқийлигини текшириш, балки товарнинг эълон қилинган сифат стандартларига мувофиқлигига ишонч ҳосил қилиш имконини беради.

Масалан, Asl Belgisi (Android/iOS) иловаси маҳсулотни текшириш жараёнини қулай ва тез қилади. Кодни сканерлаш орқали истеъмолчи товарнинг қаерда ва қачон ишлаб чиқарилганлиги, сотилмаганлиги ва яроқлилик муддати тугаганлиги ҳақида ишончли маълумотга эга бўлади.

Бу сифат тасдиғига эга бўлмаган контрафакт ва ноқонуний маҳсулотларни сотиб олиш билан боғлиқ хатарларнинг олдини олишга ёрдам беради. Бугунги кунда Ўзбекистон чакана савдосига рақамли маркировкалаш технологиялари фаол жорий этилмоқда, бу эса ишлаб чиқарувчилар ва харидорлар ўртасидаги шаффофлик ва ишонч даражасини оширмоқда.

Жаҳон тадқиқотлари шуни кўрсатадики, рақамли маркировка тизимларидан фойдаланиш қалбаки маҳсулотларни сотиб олиш хавфини сезиларли даражада камайтиради ва истеъмолчилар хавфсизлигини оширади. Ахборотнинг шаффофлиги маҳсулотнинг заводдан пештахтагача бўлган йўлини кузатиш, қоидабузарликларни аниқлаш ва муаммоларга тезкор жавоб бериш имконини беради.

Онгли танлов - саломатлик гарови

Сифатли ва ўзига оригинал маҳсулотни сотиб олиш — бу ўз соғлиғингизга сармоя киритишдир. Маҳсулотни танлашга ақл билан ёндашиш ва замонавий технологиялардан фойдаланиш нафақат ўзингизни мумкин бўлган хавфлардан ҳимоя қилиш, балки ишлаб чиқарувчиларни сифат стандартларини оширишга ундаш имконини беради.

Рақамли маркировка бугунги кунда хавфсизлик ва сифатни қадрлайдиган ҳар бир киши учун ишончли ёрдамчига айланмоқда. Ўз саломатлиги ҳақида қайғуриш тафсилотларга эътибор қаратишдан бошланади, рақамли маркировка эса шаффофлик ва ишончнинг янги уфқларини очади.