«Xabar.uz» портали ўз фойдаланувчилари учун ажойиб янгилик тайёрлади. Эндиликда мамлакатимиз ва халқаро майдонда содир бўлаётган муҳим воқеалар, долзарб хабар ва янгиликларни «Xabar.uz» мобиль иловаси орқали кузатиб боришингиз мумкин.

«Google Play» дўконидан «Xabar.uz»нинг «Android» тизимида ишлайдиган қурилмалар учун мўлжалланган мобиль иловасини бепул юклаб олиб, тезкор, холис ва сифатли ёритиб борилаётган таҳлил ва хабарлардан қулай тарзда воқиф бўласиз.

Янгиликлар узлуксиз янгиланиб турилади. Фойдаланувчиларимиз куннинг исталган вақтида тезкор хабарлардан биринчилардан бўлиб бохабар бўлишади.

«Xabar.uz» мобиль иловаси максимал даражада оддий ва ўқувчилар учун қулай қилиб ишланди. У сизга қуйидаги имкониятларни тақдим этади:

• мобиль илова орқали интернетга сарфланадиган трафигингиз анча тежалади;
• янгиликларни ижтимоий тармоқларга улашиш осонлашади;
• аввал юкланган хабарларни оффлайн ҳолатда ҳам ўқишингиз мумкин;
• видеохабарларни томоша қилишингиз мумкин;
• хабарлардаги расм сифатини (юқори, ўртача, паст) танлаш, бу орқали интернет трафиги сарфини янада тежаш имкони бор;
• асосий ойнада батафсил, муҳим хабарлар ва барча янгиликларнинг қисқача лентаси мавжуд;
• видео ва фотохабарларнинг шакли, ўлчами мобиль қурилмангизнинг экрани ўлчамига автоматик мослашади;
• бугунги, 3 кунлик, ҳафталик ва ойлик энг кўп ўқилган хабарлар рўйхатини алоҳида кузатиб бориш имкони яратилган.

Келгусида мобиль илова такомиллаштирилиб борилади ва яна бир қанча қулай функциялар қўшилади.

Шунингдек, «iOS» платформали телефонлар учун мўлжалланган мобиль иловамиз ҳам яқин вақт ичида ишга тушади.

Мобиль иловамизни баҳолашни (★★★★★) унутманг. Бу биз учун муҳим аҳамиятга эга!