Халқ таълими вазири Шерзод Шерматов карантин вақтида уйда ўтириб, интернет орқали ишлаб пул топиш мумкинлиги ҳақида ташаббус билдиргани ҳақида хабар қилинган эди. Вазирнинг лойиҳаси бўйича интернетда пул топишни ўргатадиган илк видеодарс эълон қилинди.

«Карантин вақтида уйидан ойига 10 млн. сўмдан зиёд ишлаб топаётган 25 ёшли ҳамюртимиз тажрибасини ўрганиш вақти келди.

Бу ишни ҳамюртимиз пойтахтда ёки вилоят марказида эмас, балки Пешку туманида яшаб, бемалол амалга ошираётган бўлса, унда Сиз нега қила олмайсиз? У бунга фақат ўзининг ҳаракати ва изланиши орқали эришган, алоҳида университет ёки институтда ҳам ўқимаган!

Шундай экан, ўзингизга ишониниг ва интернетдаги вақтингизни бекор кетказмай ўз билимингизни оширишга ҳамда бу каби қўшимча даромад олишга ҳаракатдан чарчаманг!

Upwork орқали ўз тажрибасини видеодарс сифатида юборган биринчи ҳамюртимиз тавсияларини ўрганиб чиқинг ва яқинларингизга улашинг!

Upwork орқали меҳнат қилиб, пулингизни олишингиз учун PayPal ўрнига бемалол Payoneer'дан фойдаланиш мумкин экан. Демак, сизнинг олдингизда ҳеч қандай сунъий тўсиқ йўқ!», — дея ёзади Шерзод Шерматов.