U-20 жаҳон чемпионати. Ўзбекистон 1/8 финалда Исроил билан куч синашади
Аргентинада давом этаётган U-20 жаҳон чемпионатининг бугун тунда ўтказилган «C» гуруҳидаги учрашувлар якунига кўра, 1/8 финал баҳсида Ўзбекистон ёшлар терма жамоаси қайси жамоа билан рўбарў келиши аниқланди.
«С» гуруҳидаги жамоалар иштирокидаги 3-тур баҳсларида Колумбия – Сенегал 1:1 ҳисобида дурангга келишди. Япония – Исроил ўйинида 1:2 ҳисобида исроиллик ёш футболчилар зафар қучди.
Ушбу натижалардан кейин Колумбия 7 очко билан гуруҳда етакчига айланган бўлса, сўнгги турдаги ғалабаси эвазига исроилликлар 4 очко билан нимчорак финал йўлланмасини қўлга киритиб, 1/8 финал ўйинида Ўзбекистон билан куч синашади.
Маълумот учун, Жаҳон чемпионати ўйинлари тақвимига биноан Ўзбекистон – Исроил жамоаларининг 1/8 финалдаги учрашуви 31 май куни тунги соат 02:00 да бошланади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter