Тошкентда метро очиқ эшикда ҳаракатланганига изоҳ берилди
Ижтимоий тармоқда метро поезди эшиги очиқ ҳолда ҳаракатлангани акс этган видеолавҳа тарқалди. Тошкент метрополитени ҳолатга изоҳ берди.
Ушбу ҳолат 15 декабрь куни йўловчилар қатнови тиғиз бўлган вақтда «Чилонзор» йўлининг «Олмазор» - «Буюк Ипак йўли» йўналишларида юз берган.
Қайд этилишича, йўловчиларнинг эшикка суяниши оқибатида эшикка меъёридан ортиқ юклама тушиши сабабли ўша вақтда вагон эшикларининг блакиратори носоз аҳволга келган.
Машинист ушбу ҳолатдан хабар топган, аммо, тоннел ичида йўловчиларни ортиқча ваҳимага солмаслик учун «Халқлар дўстлиги» метро бекатидан «Пахтакор» метро бекатига етиб келган.
Айнан шу бекатда вагон эшигидаги муаммо бартараф этилган. Ҳеч қандай бахтсиз ҳодиса рўй бермаган, жабрланганлар йўқ.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter