Ортиқча истеъмол қилинган сут қондаги калций миқдорини ошириб, қон томирларига зарар етказиши ва юрак хуружига олиб келиши мумкин. Бу ҳақда «Доктор Питер» нашрига эндокринолог ва терапевт Елена Киселёва маълум қилди.

Соғлом одам кунига бир ёки икки стакан сут ичиши мумкин, деди Киселёва. Сут маҳсулотлари калцийнинг асосий манбаи бўлиб, ёшга қараб кунига 800 дан 1200 мг гача керак бўлади. Ушбу меъёрни бир ёки икки стакан сут ва бир парча пишлоқ билан тўлдириш мумкин.

Далиллар шуни кўрсатадики, калций кам ёғли овқатлардан яхшироқ сўрилади. Бундан ташқари, унинг суякларга кириб бориши учун озиқ-овқат таркибида фосфор, магний, D ва К2 витаминлари бўлиши керак. Агар улар етишмаса, калций қон томирлари деворларига жойлашиб, уларнинг торайиши ва қон босимининг ошишига олиб келади.

Оқибатда ўткир миокард инфаркти ва инсулт пайдо бўлиши мумкин. Сут маҳсулотларидаги ҳайвонларнинг ёғлари ҳам томирларнинг торайиши, кўп склероз ва деменцияга сабаб бўлади, дея қўшимча қилди шифокор.