Сурхондарёда мудҳиш автоҳалокат: ҳайдовчи ва тўрт нафар йўловчи ҳалок бўлди
Сурхондарё вилояти Жарқўрғон туманидаги Ҳайитобод маҳалласи ҳудудидан ўтувчи М-41 автомобиль йўлининг 1572 километрида ҳаракат хавфсизлиги билан боғлиқ мудҳиш ҳодиса содир бўлди.
«ВАЗ-2106» русумли автомашинаси Қумқўрғон – Жарқўрғон йўналиши бўйича ҳаракатланаётганида қарама-қарши томондан келаётган «Матиз» автомашина ҳаракат йўналишини ўзгартирган ва тўқнашув юзага келган. Оқибатда «Матиз» ҳайдовчиси ва бир нафар йўловчи ҳамда «ВАЗ-2106» русумли автомашинада бўлган уч нафар йўловчи олган жароҳатлари сабаб туман тиббиёт бирлашмасида вафот этди. Бир йўловчи ва «ВАЗ-2106» русумли автомашинаси ҳайдовчиси тан жароҳати билан шифохонага ётқизилди.
Мазкур воқеа юзасидан Ўзбекистон Республикаси Жиноят кодексининг 266-моддаси, 3-қисми «а» банди билан жиноят иши қўзғатилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter