Давлат мулкини талон-торож қилиш, ўғрилик, қинғир ишлар барибир эртами кеч юзага чиқади.

Мажбурий ижро бюросининг Қибрай туман бўлими иш юритувига жиноят ишлари бўйича Миробод туман судининг ижро варақасига асосан Ўзбекистон Республикаси Жиноят Кодекснинг 167-моддаси 3-қисми «а, в» бандлари ва бошқа моддалари билан судланган С.З. ва бошқаларга оид жиноят иши бўйича 7 млрд. 712. млн. сўм баҳоланган Тошкент вилояти, Қибрай туманидаги 2 дона уй, ушбу уйлар ичида бўлган 820 млн. 899 минг сўмга баҳоланган товар-моддий бойликларни давлат фойдасига мусодара қилиш тўғрисидаги иш ҳужжати келиб тушган.

Олиб борилган мажбурий ижро ҳаракатлари давомида ушбу уйлар ҳамда уй ичида бўлган товар-моддий бойликлари хатланган.

Сўнг давлат ижрочиси  электрон-онлайн аукционга сотувга чиқариш тўғрисида қарор қабул қилган ва  сотувга чиқарилган кўчмас мулк объекти 8 млрд. 533 млн. сўмга сотилиб, сотувдан тушган пул маблағлари давлат фойдасига ўтказилган.