Самарқандда хотинидан калтак еган эр милиция чақирди
Нарпай туманида эр хотини устидан арз қилиб 102 рақамига қўнғироқ қилди.
«Туманимизнинг «Истиқлол» маҳалласида яшовчи Бахтиёр Арзиқулов 102 рақамига қўнғироқ қилиб, қатъий оҳангда ички ишлар ходимларининг ҳимоя қилишларини сўради. Ахир, Нигора Тошева эри Бахтиёр Алиқуловни ёмон уриб, тан жароҳати етказибди.
Нигора бақувват хотин бўлса керакки, эркаклар ундан ҳимояланиш учун четдан мадад сўраяпти», — «Пахтакор овози» газетасидан иқтибос келтирди «Zarnews.uz» сайти.
Нашрнинг яна бир хабарида бошқа бир эркак келини устидан шикоят қилиб 102 га қўнғироқ қилибди.
«Ёнариқ»лик Гулноза Узоқованинг эрининг уйида қилган жанжали қайнотаси ўтакасини ёрган шекилли, ўғли қолиб, ўзи ички ишлар бўлимига мурожаат қилиб, келини дастидан «дод» деди. Ишқилиб, «заиф»гина эркак зоти қаттиқроқ шикаст емаган бўлса бўлди, деб ёзади Б.Содиқова – мақола муаллифи.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter