Самарқандда мудҳиш қотилликка қўл урган эркак суд қилинди
Самарқанд вилоятининг Пастдарғом туманида хотини ва қайнонасининг қотилига айланган эркакка суд ҳукми ўқилди. Бу ҳақда «Янги Давр» дастурида маълум қилинди.
Қайд этилишича, 2021 йил 18 июль куни соат 23:00 ларда спиртли ичимлик ва гиёҳванд модда таъсирида бўлган О. ота уйига аразлаб кетиб қолган аёлининг олдига борган.
У ерда олдиндан келишмай юрган қайнонаси ва хотини билан жанжаллашиб, уларни қўл ва оёқлари билан шавқатсизларча уриб-тепган. Бунга гувоҳ бўлган қайнукасини ҳам дўппослаган.
Баданнинг турли жойларига берилган зарбалар оқибатида хотини ҳам, қайнонаси ҳам вафот этган.
Суд ҳукми билан айбдор эр Жиноят кодексининг 59-моддаси (бир неча жиноят содир этганлик учун жазо тайинлаш) тартибида 24 йил 6 ой озодликдан маҳрум қилинди ва жазони умумий тартибли колонияда ўташ белгиланди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter