Роберт Редфорд кинодаги фаолиятини якунлади
Америкалик актёр ва режиссёр Роберт Редфорд кинодаги фаолиятини якунлашини эълон қилди. «Life.ru» ёзишича, 81 ёшли актёр бу ҳақда «Entertainment Weekly» журналига берган интервьюсида маълум қилган.
Редфорднинг айтишича, АҚШда сентябр ойида экранларга чиқадиган «Қария ва қурол» («The Old Man & the Gun») драмасида у охирги ролини ўйнайди.
— Ҳеч қачон дема ҳеч қачон. Аммо мен актёрлик фаолиятимга нуқта қўйиш фурсати етганини узил-кесил англаб етдим, режиссёрликка балки қайтарман. 21 ёшимдан кинодаман, энди нафақага чиқишни ўйлашим керак, — деди актёр.
Роберт Редфорд «Бутч Кэссиди ва Сандэнс Кид» (1969), «Ҳийла» (1973) ва «Президент аъёнлари» (1976) фильмлари билан яхши танилган. Қолаверса, режиссёр сифатидаги илк дебюти — «Оддий одамлар» фильми учун «Оскар» мукофотини қўлга киритган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter