Айрим касблар ходимларнинг руҳий саломатлиги учун хавфлидир, дейди россиялик психолог Наталя Наумова. Бу доимий стресс, ортиқча юк ва ҳиссий чарчаш билан боғлиқ, дея шифокорнинг сўзларини келтирмоқда «Вечерняя Москва».

Бунга биринчи навбатда хавфли касблар вакиллари киради. Булар ҳарбий хизматчилар, полициячилар, учувчилар, ўт ўчирувчилар, қўриқчилар. Улар жамиятда муҳим ўринга эга ва бошқа одамларнинг ҳаётини сақлаб қолиш учун курашишади. Бундай касблар хавф билан тўла бўлиб, ишчилар кўпинча ўзларини ва соғлиғини унутишади.

Ижтимоий касб вакиллари ҳам (масалан шифокорлар) чарчаш ва стрессдан азият чекиши мумкин. 

Офис ва корхоналарда ишлаш, агар у тўғри ташкил этилмаган бўлса ёки жамоада ёмон муносабатлар мавжуд бўлса, руҳий саломатликка таъсир қилиши мумкин. Бундан ташқари, жамоат транспорти ва такси ҳайдовчилари руҳий саломатлик учун зарарли деб топилди. 

Чарчамаслик учун ишдан ташқари дам олиш ва қизиқарли севимли машғулотларига эга бўлиш учун этарли вақт ажратиш керак. Психолог бундай касб эгаларида дўстлар ва қариндошлар билан тез-тез мулоқот қилишни тавсия қилди. Агар бирор киши ичида кескин руҳий таранглик тўпланиб бораётганини ҳис қилса, ишдан танаффус қилиб, ўз соғлиғи учун ғамхўрлик қилгани маъқул.