Чиноз тумани прокуратураси олдида ўзини ёқмоқчи бўлган аёл масаласида масъуллар билан боғланиб, вазиятни ўргандик, деб ёзмоқда депутат Расул Кушербаев.

Маълум бўлишича, суд қарорига асосан С.Ходжановдан фуқаро Г.Ходжановага алимент ундириш белгиланган.

Қарздор 2022 йил 1 февралга қадар ҳар ойда 550.000 сўмдан алимент пулларини тўлаб келган.

Шунингдек, Каттатепалик МФЙ, Файзли кўчаси, 16-уйга киритиб қўйилган.

Бироқ шу йилнинг 25 февраль куни Г. Ходжанова прокуратура биноси олдига 3 нафар фарзанди билан келиб, ижро ҳаракатлари олиб борилмаганини айтиб, ўзини ва болаларини бензин билан ёқмоқчи бўлган. Сўнг бензинни ўзи ва фарзандлари атрофига сепиб, ёқиб юборган.

Ходимларнинг ҳаракати билан ёнғин бартараф этилиб, ҳеч ким зарар кўрмаган.

Ҳолат юзасидан масъул идора томонидан ишчи гуруҳ тузилиб, фуқаро киритиб қўйилган хонадонда яшовчи оила ўрганилган.

Ҳозирда мутахассислар томонидан Г. Ходжанованинг руҳий ҳолати ўрганилмоқда. 

Болалар омбудсмани ҳам масалани назоратга олиши керак, дея қайд этиб ўтган депутат.