Қизилтоғ шаҳарчаси аҳолисини турмушини яхшилаш, муносиб шарт-шароитлар яратиш, ижтимоий ва ишлаб чиқариш соҳа объектлар инфратузилмасини ривожлантириш учун 267 миллиард 512 миллион сўм маблағ ажратилади. Бу ҳақда Тошкент вилоят ҳокимлиги хабар берди.

Айни кунларда маблағнинг бир қисми - 48 миллиард сўмдан зиёд маблағлар сарф этилди.

Жумладан:

– Ўзбекистон футбол Ассоциациясига қарашли «Футбол» ўйингоҳи ва ётоқхона биноси мукаммал таъмирланди;

– Шаҳарча шифохонаси учун 19 турдаги замонавий тиббий асбоб-ускуналар билан жиҳозланиб, аҳолига сифатли хизмат кўрсатиш учун туну-кун фаолият олиб борадиган 5 нафар малакали мутахассислардан иборат шифокорлик пости йўлга қўйилди. Шу билан бир қаторда, тиббий тез ёрдам хизматини яхшилаш мақсадида 1 дона “тез ёрдам” машинаси харид қилинди;

– 56-мактаб тўлиқ реконструкция қилинди. 55-мактабнинг канализация тизими қайта таъмирланиб, электрон доскалар билан жиҳозланди. 57-умумтаълим мактаби ва маҳалла ёшлари учун янги футбол майдони фойдаланишга топширилди;

– Ойдин маҳалласида 1 та воркаут ва стритбол, Саид ота маҳалласида эса 1 та универсал спорт майдони қурилди;

– 4-касбийлашган ёнғин қутқарув қисми капитал таъмирланиб, қўшимча бино ва битта ўт ўчириш автотранспорт воситаси билан таъминланди;

– Ҳудуддаги истироҳат боғи замонавий кўринишга келтирилди. Шунингдек, кўп қаватли уй-жойларнинг фасад, том қисмлари, йўлаклари ва 2 та болалар майдончаси барпо этилди;

–7 км. умумфойдаланувдаги, 14,2 км. ички йўлларда таъмирлаш ишлари, пиёдалар йўлаклари қуриб битказилди. Оқова сув лотоклари ва бордюрлар ўрнатилди;

–10,2 км ичимлик сув тармоқлари тортилиб, сув иншооти ва сув насослари янгисига алмаштирилди. 200 дан ортиқ эскирган сим ёғочи янгисига алмаштирилиб, тармоқлар янгиланди.