Озарбайжон президенти Украинага оид қарорга имзо чекди
Озарбайжон Украинага 7,6 миллион доллар миқдорида гуманитар кўмак ажратади. «Trend» агентлиги хабарига кўра, президент Илҳом Алиев бу ҳақдаги қарорни имзолаган.
Ҳужжатда Озарбайжон ва Украина ўртасидаги муносабатлар дўстлик ва стратегик ҳамкорлик негизида ривожланаётгани, гуманитар ёрдам инсонпарварлик тамойилига кўра ажратилаётгани қайд этилган.
7,6 миллион доллар миқдоридаги маблағ Украина учун электр ускуналар харидига йўналтирилади.
Россия босқини бошлангандан буён Озарбайжон Украинага бир неча марта гуманитар кўмак йўллади. Масалан, 2022 йил декабрь ойида Боку Киев сўровига асосан озиқ-овқат, дори-дармон, тиббий ва энергия ускуналаридан иборат 52,2 тонна ёрдам юборган.
Яқинда эса Озарбайжон томони Украинани тиклаш учун 10 миллион доллардан кам бўлмаган кўмак ажратишини маълум қилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter