«Олтин тўп» соҳиби мамлакат президенти этиб сайланди
Жорж Веа
1995 йилда «Олтин тўп»ни қўлга киритган машҳур футболчи Жорж Веа Либерия президенти этиб сайланди. Бу ҳақда «Sports.ru» хабар тарқатди.
51 ёшли Веа президентлик сайловининг иккинчи турида ғалаба қозонди. У мамлакатнинг амалдаги вице-раҳбари Жозеф Бокая устидан катта фарқ билан зафар қучди — 15 округнинг 12 тасида унинг қўли баланд келган.
Собиқ футболчи энди собиқ президент — Элен Жонсон-Серлиф ўрнини эгаллайди.
Маълумот учун, Веа 2005 йилда ҳам Либерия президентлиги учун ўтказилган сайловда ўз номзоди билан қатнашган эди. Бироқ, ўшанда у иккинчи босқичда имкониятни бой берган.
Янги президент «Твиттер» орқали чиқиш қилиб, сайловчиларга миннатдорчилик билдирган. «Мени сайлагани учун Либерия халқига миннатдорчилик билдираман. Бу мен учун катта шараф ва умид», — деб ёзади Веа.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter