Европа лигасининг 1/16 финалида «Камп Ноу»да «Барселона» ва «МЮ» ўртасида баҳс бўлиб ўтди.

Турнинг марказий ўйини шиддатли курашлар остида кечди. Дастлабки бўлимда дарвозабонларнинг маҳорати эвазига гол киритилмади. Тайм охирларида «Барселона» плеймекери Педри жароҳат олиб майдонни тарк этди. Сўнгги маълумотларга кўра, у бир ойга сафдан чиққан ва жавоб ўйинини ҳам ўтказиб юбориши аниқ.

Учрашувнинг иккинчи бўлими голларга бой бўлди.

Маркос Алонсо 50-дақиқада гол урган бўлса, икки дақиқа ўтиб Маркус Рэшфорд ҳисобни тенглаштирди. Бироз вақт ўтиб Кунде ўз дарвозасини ишғол қилиб қўйди.

76-дақиқада Рафинья гол киритиб, ҳисобни тенглаштирди.

Сўнгги дақиқаларда «Барселона» ғалаба голини уришга ҳаракат қилди, бироқ омади келмади. Шу тарзда Хави жамоасининг 2023 йилдаги фақат ғалабалардан иборат серияси тўхтатилди.

Жавоб учрашуви 23 февраль куни «Олд Траффорд»да ўтади. Унда «Барселона»га осон бўлмайди. Жамоанинг асосий уч ярим ҳимоячиси – Бускетс ва Педри жароҳат сабаб, Гави эса дисквалификация туфайли жамоасига ёрдам бера олмайди.

Барселона Испания – Манчестер Юнайтед Англия 2:2
Голлар: 1:0 – 50 Алонсо, 1:1 – 52 Рэшфорд, 1:2 – 59, автогол Кунде, 2:2 – 76 Рафинья.

Барселона – тер Стеген, Араухо, Алонсо (Кристенсен, 67), Кунде, Альба (Бальде, 67), Кессиэ (Фати, 67), де Йонг, Педри (Серджи Роберто, 41), Гави, Левандовски, Рафинья (Ферран Торрес, 83).
Манчестер Юнайтед – Де Хеа, Уан-Биссака, Варан, Шоу, Маласиа, Бруну Фернандеш, Каземиро, Фред, Вегорст, Рэшфорд, Санчо (Гарначо, 82).
Огоҳлантиришлар: Альба (30), Варан (43), Каземиро (65), Маласиа (72), Гави (73).

Турнинг қолган учрашувларида қуйидаги ҳисоблар қайд этилди:

Аякс — Унион Берлин 0:0

Зальцбург — Рома 1:0

Шахтёр — Ренн 2:1

Байер — Монако 2:3

Севилья — ПСВ 3:0

Ювентус — Нант 1:1

Спортинг — Мидтьюлланд 1:1