Yevropa ligasining 1/16 finalida «Kamp Nou»da «Barselona» va «MYu» o‘rtasida bahs bo‘lib o‘tdi.

Turning markaziy o‘yini shiddatli kurashlar ostida kechdi. Dastlabki bo‘limda darvozabonlarning mahorati evaziga gol kiritilmadi. Taym oxirlarida «Barselona» pleymekeri Pedri jarohat olib maydonni tark etdi. So‘nggi ma’lumotlarga ko‘ra, u bir oyga safdan chiqqan va javob o‘yinini ham o‘tkazib yuborishi aniq.

Uchrashuvning ikkinchi bo‘limi gollarga boy bo‘ldi.

Markos Alonso 50-daqiqada gol urgan bo‘lsa, ikki daqiqa o‘tib Markus Reshford hisobni tenglashtirdi. Biroz vaqt o‘tib Kunde o‘z darvozasini ishg‘ol qilib qo‘ydi.

76-daqiqada Rafinya gol kiritib, hisobni tenglashtirdi.

So‘nggi daqiqalarda «Barselona» g‘alaba golini urishga harakat qildi, biroq omadi kelmadi. Shu tarzda Xavi jamoasining 2023 yildagi faqat g‘alabalardan iborat seriyasi to‘xtatildi.

Javob uchrashuvi 23 fevral kuni «Old Trafford»da o‘tadi. Unda «Barselona»ga oson bo‘lmaydi. Jamoaning asosiy uch yarim himoyachisi – Buskets va Pedri jarohat sabab, Gavi esa diskvalifikatsiya tufayli jamoasiga yordam bera olmaydi.

Barselona Ispaniya – Manchester Yunayted Angliya 2:2
Gollar: 1:0 – 50 Alonso, 1:1 – 52 Reshford, 1:2 – 59, avtogol Kunde, 2:2 – 76 Rafinya.

Barselona – ter Stegen, Arauxo, Alonso (Kristensen, 67), Kunde, Alba (Balde, 67), Kessie (Fati, 67), de Yong, Pedri (Serdji Roberto, 41), Gavi, Levandovski, Rafinya (Ferran Torres, 83).
Manchester Yunayted – De Xea, Uan-Bissaka, Varan, Shou, Malasia, Brunu Fernandesh, Kazemiro, Fred, Vegorst, Reshford, Sancho (Garnacho, 82).
Ogohlantirishlar: Alba (30), Varan (43), Kazemiro (65), Malasia (72), Gavi (73).

Turning qolgan uchrashuvlarida quyidagi hisoblar qayd etildi:

Ayaks — Union Berlin 0:0

Zalsburg — Roma 1:0

Shaxtyor — Renn 2:1

Bayer — Monako 2:3

Sevilya — PSV 3:0

Yuventus — Nant 1:1

Sporting — Midtyulland 1:1