«Монако»: «Ўзингизга ўхшамайди ҳеч қайсиси...»
«Монако» футбол клуби бош мураббийи Терри Анри жомадонини йиғиштираётган бўлса, ажабмас. Франциялик афсонавий футболчининг мураббийликдаги биринчи мустақил фаолияти ўхшамади.
Унинг қўл остида «Монако» турнир жадвалидаги 19-ўриндан юқориламади. Чемпионлар лигасидаги ва кубок баҳсларидаги ўта қониқарсиз натижаларга тишини тишига қўйган клуб мутасаддилари ички биринчиликдаги аҳволни кўриб, ниҳоят, тоқати тоқ бўлган кўринади.
Бугун тарқатилган хабарлардан Анрининг «Монако»даги фаолияти тугагани маълум бўлмоқда. Унинг ўрнига жамоанинг собиқ бош мураббийи Леонарду Жардим келишининг эҳтимоли катта. Чамаси, Жардимни ҳайдаб, ўрнига Анрини олиб келган мутасаддилар, афсус надомат билан собиқ мураббийни содиқ мураббийга айлантиришмоқчи, чоғи. Яъники, ўзингизга ўхшамайди ҳеч қайсиси, бўлолмади бизнинг боғнинг гулқайчиси...
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter