«Monako»: «O‘zingizga o‘xshamaydi hech qaysisi...»
«Monako» futbol klubi bosh murabbiyi Terri Anri jomadonini yig‘ishtirayotgan bo‘lsa, ajabmas. Fransiyalik afsonaviy futbolchining murabbiylikdagi birinchi mustaqil faoliyati o‘xshamadi.
Uning qo‘l ostida «Monako» turnir jadvalidagi 19-o‘rindan yuqorilamadi. Chempionlar ligasidagi va kubok bahslaridagi o‘ta qoniqarsiz natijalarga tishini tishiga qo‘ygan klub mutasaddilari ichki birinchilikdagi ahvolni ko‘rib, nihoyat, toqati toq bo‘lgan ko‘rinadi.
Bugun tarqatilgan xabarlardan Anrining «Monako»dagi faoliyati tugagani ma’lum bo‘lmoqda. Uning o‘rniga jamoaning sobiq bosh murabbiyi Leonardu Jardim kelishining ehtimoli katta. Chamasi, Jardimni haydab, o‘rniga Anrini olib kelgan mutasaddilar, afsus nadomat bilan sobiq murabbiyni sodiq murabbiyga aylantirishmoqchi, chog‘i. Ya’niki, o‘zingizga o‘xshamaydi hech qaysisi, bo‘lolmadi bizning bog‘ning gulqaychisi...
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter