«Манчестер Юнайтед» афсонасига ҳайкал қўйилди (видео)
«Манчестер Юнайтед» футбол клубининг афсонавий ҳужумчиси, «Олтин тўп»нинг ягона шотландиялик соҳиби Денис Лоуга бугун ҳайкал қўйилди.
Шотландиянинг Абердин шаҳридаги ҳайкалнинг очилиш маросимида футболчининг ўзи ва таниқли мураббий сэр Алекс Фергюсон иштирок этди.
Денис Лоу 1940 йил (81 ёш) Абердин шаҳрида туғилган. Фаолиятини «Хадделсфилд» ва «Манчестер Сити»да бошлаган бўлса, фаолиятининг энг гуллаган даврлари (1962-1973 йиллар) айнан «Манчестер Юнайтед»га тўғри келган.
Қирол номи билан танилган футболчи терма жамоада ҳам катта шуҳрат қозонган. У «Олтин тўп» соврини олган ягона шотланд ҳисобланади. Шунингдек, Лоу терма жамоадаги барча даврларнинг энг зўр тўпурари бўлиб турибди.
Эслатиб ўтамиз, шу йилнинг август ойида Денис Лоу оғир хасталикка чалингани ҳақида хабар берилганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter