Таиланднинг Банкок шаҳрида спортнинг кикбоксинг тури бўйича ўтказилаётган Осиё чемпионатда яна 6 нафар ўзбекистонлик спортчи олтин медалларни қўл киритди.

Осиё чемпионлари ва олтин медаль соҳиблари:

• Давлатбек Абдумуротов – 67 кг;
• Сергей Косолапов – 69 кг;
• Назарбек Маҳмудов – 51 кг;
• Ҳасанхон Баратов – 91 кг;
• Муродбек Азимов – 91 кг;
• Ҳусанхон Баратов – 91 кг.

Эслатиб ўтамиз, 18 декабр, шанба кунги баҳсларда ҳам 8 нафар ўзбекистонлик кикбоксчи финалда қатнашиб, 4 та олтин ва 6 кумуш медални қўлга киритган эди.

Маълумот учун, Осиё чемпионатида Ўзбекистондан 22 нафар спортчи 27 та йўналиш бўйича қатнашди. Ўзбекистонлик спортчилар 24 та медални қўлга киритишган бўлиб, уларнинг 10 таси олтин, 9 таси кумуш, 5 та бронзадир.

Бундан ташқари 3 нафар спортчи, яъни Зарифжон Истамов (60 кг), Сергей Косолапов (69 кг), Малика Чориева (65 кг)лар кейинги йилда Саудия Арабистони пойтахти Ар-Риёдда бўлиб ўтадиган Жаҳон жанг санъати ўйинларида иштирок этиш йўлланмасига эга бўлишди.