Президентликка номзод Шавкат Мирзиёев айни вақтда Сурхондарё вилоятида бўлиб турибди. Давлат раҳбари сайловчилар билан учрашув вақтида вилоятда табиий бойликларни ўзлаштириш бўйича амалга ошириладиган лойиҳалар ҳақида маълумот берилди.

Унга кўра:

- Вилоятнинг ҳар бир туманида «Лойиҳа гуруҳи» ташкил қилинади ва кичик геология экспедицияси фаолияти йўлга қўйилади.

- Сариосиё туманининг қўрғошин, рух, кўмир, норуда қазилмаларга, Узун туманининг мисга, Бойсун, Термиз, Шўрчи, Жарқўрғон ва Қумқўрғон туманларининг нефть ва газга, Шерободнинг темир рудаси ва кўмирга бой бўлган истиқболли майдонларида геология-қидирув ишлари олиб борилади.

- «Лойиҳа гуруҳи» томонидан туманнинг ер ости ва ер усти имкониятлари таҳлил қилиниб, ҳар бир туман кесимида инвестиция ва экспорт Стратегияси ишлаб чиқилади.

- Жарқўрғон туманида россиялик ҳамкорлар билан 150 миллион долларлик хорижий инвестициялар ҳисобига мавжуд конларда нефть қазиб олиш ҳажми 5 баробар кўпайтирилиб, 250 минг тоннага етказилади.