Италия элчиси балкондан йиқилиб тушиб вафот этди
Италиянинг Австралиядаги элчиси Франческа Тардиоли 19 февраль куни балкондан қулаб вафот этди. Бу ҳақда Corriere di Umbria маълум қилди.
Тардиоли тўртинчи қаватдан айвон орқали осилиб қолган ва мувозанатни йўқотган. Бахтсиз ҳодиса 19 февраль куни дипломат ўзининг туғилиб ўсган шаҳри Фолиньода дам олаётган пайтда содир бўлган. Жандармлар ушбу ҳолат юзасидан текширув ўтказмоқда ва сабабларини аниқлашга ҳаракат қилмоқда. Дафн маросимининг аниқ санаси ҳали белгиланмаган.
La Stampa газетаси элчининг қулаб тушиши шубҳали ҳолат эканлигини ёзиб, 56 ёшли дипломат гўёки депрессив касалликдан азият чеккан, дея хабар қилган.
Канберрадаги элчихона «тоза инсон, профессионал дипломат ва инсон ҳуқуқлари ҳимоячиси»нинг бевақт вафоти муносабати билан ҳамдардлик билдирган.
Тардиоли 2019 йил сентябридан бери Канберрадаги элчи лавозимида ишлаган. У инглиз ва француз тилларида эркин гапира олган, немис ва испан тилларини яхши билган
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter