Ҳаж зиёратини адо этган илк ҳожилар Тошкентга келдилар
Ҳаж зиёратини адо этган илк юртдошларимиз Тошкентга қайтишди. Бу ҳақда Uzbekistan Airports хабар берди.
Бортида 245 нафар зиёратчи бўлган HY-5304 рейси билан Жиддадан келган “Uzbekistan Airways” авиакомпаниясининг самолёти 12 июнь куни маҳаллий вақт билан соат 17:30 да Тошкент халқаро аэропортига қўнди.
Келган зиёратчиларни пойтахт аэропортининг учиб келиш залида яқинлари ва қариндошлари кутиб олди. Вилоятлардан келган зиёратчиларни зал олдида махсус автобуслар кутиб олди.
12-30 июн кунлари Жиддадан Тошкент, Наманган, Қарши, Самарқанд, Бухоро, Урганч ва Нукус шаҳарларига жами 62 та рейс режалаштирилган бўлиб, уларда 15 150 нафар зиёратчилар Ҳаж сафаридан қайтади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter