Globe Soccer мукофотига номзодлар эълон қилинди
Ҳар йили анъанавий тарзда ўтказиладиган Globe Soccer футбол мукофотига номзодлар рўйхати эълон қилинди. Бу ҳақда ташкилот сайтида хабар берилди.
Хабарга кўра, йил ўйинчиси номинациясига қуйидаги футболчилар номзоди қўйилган: Карим Бензема («Реал»), Роберт Левандовски («Бавария»), Килиан Мбаппе, Лионел Месси (иккови — «ПСЖ»), Криштиану Роналду («Манчестер Юнайтед») ва Муҳаммад Салоҳ («Ливерпуль»).
Globe Soccer мукофоти 2009 йилдан бери БААнинг Дубай шаҳрида ўтказиб келинади. Унда дунёнинг энг яхши футболчилари, мураббийлари ва агентлари турли номинациялар бўйича ғолиб бўладилар.
«Йилнинг энг яхши ўйинчиси» номинациясида энг кўп ғолиб бўлиш Криштиану Роналдуга насиб этган, унинг бу совринлари сони 6 та. Месси (2015) бир марта, Левандовски ҳам (2020 йил) бир марта ушбу мукофотга лойиқ кўрилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter