Эронда байрам яна азага айланди
Эронда Чаҳаршанбе-Сури байрами чоғида кўчаларда гулхан ёқиш ва пиротехника воситаларидан фойдаланиш натижасида камида 26 киши ҳалок бўлди, 4 мингдан ортиқ киши жароҳатланди.
Чаҳаршанбе-Сури – Эронда Наврўз арафасидаги қадимий олов байрами ҳисобланади. Бу байрам календарь йилининг охирги чоршанбасига ўтар кечаси нишонланади (Эронда чоршанба «чаҳаршанбе» деб талаффуз қилинади), лекин байрамларнинг ўзи икки-уч ҳафта олдин бошланади.
Анъанага кўра, эронликлар ширин ва нордон ёнғоқларнинг махсус аралашмасини истеъмол қиладилар ва кечқурун улар кўчаларда гулхан ёқиб, улар устидан сакраб ўтишади. Замонавий байрам урф-одатлари пиротехника воситаларидан фойдаланишни ҳам ўз ичига олади.
Ўтган йили ушбу байрамлар чоғида 700 дан ортиқ киши жароҳатланган, камида 17 киши ҳалок бўлганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter