«Автостат» Россия автомобиль бозоридаги 2021 йилги савдоларни таҳлил қилди, дейилади «Профиль» хабарида.

Ўтказилган таҳлил харидорларнинг катта қисмини эркаклар ташкил этишини кўрсатмоқда, ҳар учинчи автомашина (33 фоиз) эса аёллар томонидан сотиб олинмоқда.

Эркак харидорлар ўртача 46 ёш, автохонимлар 43 ёшда. Экспертларнинг таъкидлашича, тафовут фақат ёшда эмас, балки ҳар икки тоифа танлаётган автомобиль моделларида ҳам яққол кўзга ташланади.

Диққатни тортган жиҳати, 2021 йилда россиялик эркак ва аёллар «ўзбек автомобиллари»ни сотиб олишга зўр беришган!

Аёллар энг кўп сотиб олган топ-5 авто:

1. Citroen C3 Aircross (компакт кроссовер, Франция, 2021 йилги харидорларнинг 88,2 фоизи — аёллар).

2. Chevrolet Spark (субкомпакт машина, Ўзбекистон, аёл харидорлар — 78,1 фоиз).

3. Mercedes-Benz GLA (премиал кроссовер, Германия, 75,5 фоиз).

4. Toyota C-HR (компакт кроссовер, Япония, 75,3 фоиз).

5. Porsche Macan (спорт машинаси, Германия, 74,4 %.

Эркаклар энг кўп сотиб олган топ-5 авто:

1. Chevrolet Tahoe (йўлтанламас, харидорларнинг 90,9 фоизи — эркаклар).

2. УАЗ «Хантер» (Россия, 86,1 фоиз).

3. Peugeot 408 (седан, Франция, 85,9 фоиз).

4. Lada Niva (Россия, 85,4 фоиз).

5. Audi A4 Allroad Quattro (Германия, 85,3 фоиз).

5. Haval H5 (йўлтанламас, Хитой, 85,3 фоиз).