Энг яхши камерали смартфонлар рейтинги: Vivo биринчи марта олий лигада
«DxOMark» компанияси мутахассислари қатор смартфонларни тестдан ўтказиб, камераси энг яхшиларини аниқлашди.
iPhone 13 Pro Max, Xiaomi Mi 11 Ultra, Vivo X70 Pro+, Google Pixel 6 Pro ва бошқа смартфонлар тестдан ўтказилди. Экспертлар биринчи марта топ-10 га кирган Vivo камерофонини алоҳида эътироф этишди.
Vivo X70 Pro+ смартфони Pixel 6 Pro билан бирга 6-ўринда жойлашди. Мутахассислар бошқа смартфонларни тавсифлаб ўтирмай, асосий эътиборни Vivo камераси афзалликларига қаратишди. Смартфон 135 балл тўплаган.
Vivo X70 Pro+нинг асосий сенсори — 50 мегапикселли Samsung GN1, 48 мегапикселли ўта кенг бурчакли камера, икки ва беш карра оптик яқинлаштирувчи иккита ёрдамчи камера. Минуслар ҳам йўқ эмас. масалан, ёруғлик етарли бўлмаганида Vivo камерофони автофокуслаши суст ишлайди, қолаверса, видеосида озроқ артефактлар ва шовқинлар бор.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter