Дунё бўйича коронавирусни юқтирганлар сони 8,5 миллиондан ошди
Ер юзида COVID-19 га чалинганлар сони 8,5 миллион кишидан ошди, дея хабар берди Американинг Жонс Хопкинс университети.
Университетнинг 2020 йил 19 июнь соат 14:40 даги маълумотларига кўра, янги вирусни юқтирганлар сони 8 501 444 кишини ташкил этмоқда. 454 230 киши вафот этган. 4 169 486 киши тузалган.
Касалланганлар ва ҳалок бўлганлар сони бўйича АҚШ ҳалиям биринчи ўринда: мамлакатда 2 191 200 киши коронавирусни юқтирган бўлса, улардан 118 435 нафари вафот этди. Иккинчи ўринни Бразилия эгаллади: у ерда 978 142 киши COVID-19 га чалинган бўлиб, 47 748 нафари ҳаётдан кўз юмган. Россия мазкур рейтингда учинчи ўриндан жой олган — 568 292 киши вирусни юқтириб олган бўлиб, улардан 7 831 нафари оламдан ўтган.
Дастлабки ўнталикка, шунингдек, Ҳиндистон, Буюк Британия, Испания, Перу, Италия, Чили ва Эрон киритилган. Коронавирус дунёнинг қарийб 200 дан ортиқ мамлакатида қайд этилди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter