Bloomberg: Европа Иттифоқи Беларусга қарши янги санкцияларни таклиф қилмоқда
Европа Иттифоқи Беларусга қарши янги санкциялар пакетини киритишни таклиф қилди. Бу ҳақда Bloomberg нашри маълум қилди.
Янги санксия ҳарбий мақсадларда фойдаланиш мумкин бўлган икки томонлама товар ва технологияларни экспорт қилишни тақиқлайди. Бундан ташқари, санкциялар энергетика сектори, кўмир, пўлат ва олтин маҳсулотларига ҳам тегишли бўлади.
Минскка қарши таклиф қилинаётган санкциялар Европа Иттифоқининг Россияга нисбатан илгари қўйган санксияларига, жумладан, асосий технологиялар ва мамлакат энергетика секторига чекловларга ўхшайди.
Қайд этилишича, таклиф қилинган санкцияларни маъқуллаш учун Европа Иттифоқига аъзо барча давлатларнинг қўллаб-қувватлаши зарур.
Аввалроқ, Литва ташқи ишлар вазирлиги Европа Иттифоқининг янги санкциялар пакети Росатом ва Минскка қарши чораларни ўз ичига олиши мумкинлигини айтган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter