Ҳафта бошида Хитойнинг Гуанчжоу шаҳрида халқаро автокўргазма бўлиб ўтди, унда маҳаллий ишлаб чиқарувчиларнинг барча ютуқлари жамланган электромобиллар намойиш этилди. Масалан, ёш Arcfox компанияси экологик тоза, автоном бошқарув ва юқори кўрсаткичларга таяниб ҳаракатланадиган, премиум электр сегментда ўз ўрнини жадал эгаллаб бораётган машиналарини тақдим этди.

Arcfox ҳақида

Arcfox - юқори сифатли электромобиллар ишлаб чиқаришга ихтисослашган Хитой бренди бўлиб, 2016 йилда тақдим этилган ва инновацион технологиялар, юқори сифат стандартлари ҳамда экологик барқарорлик борасида улкан ютуқларга эришаётган компаниядир.

Компания асосий эътиборни кичик шаҳар моделларидан спорт ва ҳашаматли кроссоверларгача бўлган электромобиллар ишлаб чиқаришга қаратган. Arcfox йирик технология ва автомобил компаниялари билан фаол ҳамкорлик қилади. Масалан, Huawei автоном бошқарув учун дастурий таъминот ва техник воситаларни тақдим этади, Magna International эса премиум автомобил платформаларини ишлаб чиқариш ва ривожлантириш билан шуғулланади.

Arcfox оилавий автомобиль моделлари

Alpha T5 Ultra

Ушбу йўлтанламасни αT5нинг такомиллаштирилган версияси деб ҳисоблаш мумкин.

Йўлтанламас Magna томонидан яратилган кузов билан бемалол фахрлана олади. Корпус 81% бақувват материаллардан ва 30% қуйма пўлатдан ясалган.

Alpha T5 Ultra - ультра тез зарядлаш технологияси билан жиҳозланган бўлиб, аккумуляторни атиги 8 дақиқада 30% дан 80% гача зарядлаши мумкин.

Электромобил ихчам ўлчамига қарамай салон ҳажми жиҳатидан С синфидаги автомобилларга хосдир (масалан, седан ёки кичик кроссоверларга мос келади).

Электрмобилнинг ички макон самарадорлиги 69 фоизни ташкил этади, бу эса одатдагидек ўлчамдаги автомобилдан кутиладигандан кўра кўпроқ имкониятлар тақдим этади. Alpha T5 Ultra бир қатор сақлаш бўлимларига эга бўлиб, кўплаб эҳтиёж ва заруриятлар муҳим бўлган оилавий саёҳат учун жуда қулайдир.

Автомобилнинг олд ўриндиқлари иситиш ва вентиляция технологиялари билан жиҳозланган. Ўриндиқларни иситишда ички элементлардан фойдаланилади, улар иссиқликни сақлайди ва кучли изғиринда ҳам саёҳатингизни қулайлаштиради. Ёзнинг жазирамасида эса совутиш тизими ҳавони самарали айлантириб, салондаги салқинликни ушлаб туради. Ушбу инновацион хусусиятлар об-ҳаво шароитидан қатъий назар, ҳар қандай саёҳатдан улкан завқ олиш имконини беради.

Kaola S

Ёш саргузаштчилар ва технология ихлосмандлари учун ушбу йўлтанламас ҳақиқий кашфиётдир! Тасаввур қилинг-а, бир қувватланишда 500 км масофани босиб ўтишга бўлган ишонч билан саёҳат қилиш қанчалар завқли.

CATL батареялари масофадан ташвишланишни ўтмишда қолдирди. Электромобил шунингдек 26 дақиқада аккумуляторини 30% дан 80% гача зарядлай олади.

Kaola S В-сегментининг майдонини таклиф қилади, лекин А-сегменти нархида ҳашаматли минивеннинг қулайлигини таъминлайди. Оилангиз ёки юкингиз учун кўпроқ жой керакми? У ҳолда 1360 литрли юкхонани очиш учун орқа ўриндиқларни букиш кифоя.

Kaola S ўз тоифасида биринчи электрон эшик функциясига эга электромобилдир. Энди сумкалар билан ноқулай сурилиш ва туртинишга ҳожати йўқ - шунчаки тугмани босинг ва қулай ҳолатда йўлга отланинг.

Шунингдек, электромобил ичидаги ҳавонинг тозалигини ҳам алоҳида таъкидлаш керак. Kaola Sда деярли алдегидлар ва бензоллар мавжуд эмас, бу энг нозик йўловчилар - болалар ва аллергия билан касалланганлар учун хавфсизликни таъминлайди.

Агар сиз ўзингизнинг биринчи электр йўлтанламасингизни қидираётган ёш ҳайдовчи бўлсангиз, Kaola S мукаммал танловдир! Замонавий, ажойиб ассортимент, кенг ички макон ва тоза ҳаво - барчаси битта электромобилда.

Alpha S5 coupe

Бу беқиёс эстетика ва ажойиб ҳаракатни осонлик билан бирлаштирган машина.

Рекорд қаршилик коэффиценти атиги 0,19 бўлган электромобил энг юқори аэродинамик талабларга жавоб беради.

АS5нинг асосий хусусиятларидан бири – илғор 800В юқори кучланишли тез зарядлаш технологияси бўлиб, атиги 10 дақиқа қувватланишда 280 км масофани босиб ўтиш имконини беради.

Ушбу электромобил билан қанча масофа босиб ўта олишингиз ҳақида қайғуряпсизми? Хавотир олманг, аS5 бир қувватланишда 708 км масофани босиб ўта олади, барча ғилдираклар тортган тақдирда эса қувват 650 км га етади. Бу ҳар қандай электромобил учун ажойиб натижадир! Премиум CATL аккумуляторлари билан жиҳозланган электромобил юқори унумдорлик ва хавфсизликни кафолатлайди.

Кенг ички макон аS5 учун яна бир афзаллик ҳисобланади. Ғилдирак базаси 2900 мм ва йўловчи учун кенгликдан фойдаланиш даражаси 67% бўлган электромобил уч нафар бўйдор йўловчини ҳам бемалол сиғдира олади.

Эҳтиёжларингизга мос келадиган электромобил излаётган бўлсангиз, аS5 айнан сиз учундир.