АҚШ 30 йил ичида Эрондан иккинчи марта нефть сотиб олди
АҚШ 2021 йилнинг март ойида Эрондан 1,033 млн. баррел нефть ва нефть маҳсулотлари импорт қилди. АҚШ энергетика вазирлиги (EIA) маълумотлари бунга шоҳидлик беради.
Ушбу етказма 1991 йил, АҚШ Эрон нефти импортини тўхтатганидан бери иккинчиси бўлди. EIA маълумотларига кўра, биринчиси 2020 октябрида етказилган, ўшанда 1,111 млн. баррел Эрон нефти келтирилган эди.
Қўшма Штатлар Эрон нефтига санкцияларни ҳамон сақлаб турибди ва форс нефти импортёрларига иккиламчи санкциялар жорий этиш билан таҳдид қилиб келади.
Эслатиб ўтамиз, 2018 йил май ойида АҚШ Эрон билан ядровий битимдан чиққан ва Теҳронга санкциялар қўллаган, Эрон билан савдо қилаётган мамлакатларга эса иккиламчи санкциялар жорий этганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter