16 сентябрь куни космосдан олинган фотосуратлар бу йил Антарктида устидаги озон туйнугининг рекорд даражадаги энг катта ўлчамлардан бирига етганини кўрсатмоқда. Унинг майдони  26 млн км², дан ошади, бу Бразилия ҳудудидан 3 баробар кўпдир, деб хабар беради Daily Mail нашрига таяниб planet-today.ru.

Олимлар озон туйнугининг янада каттаришидан жиддий хавотирда эканликларини билдиришди, чунки октябрь ойида у янада кенгаяди.

Ушбу туйнукнинг майдони мавсумга боғлиқ бўлиб, у август ойида жанубий ярим шарда баҳор келиши билан кўпайишни бошлайди. Декабрдан февралгача, Антарктидада ёз бўлганда, тешик кичраяди.

Илк жараён 1985 йилда кузатилган. Бу XX асрда озон қатламини бузувчи кимёвий моддаларнинг саноатда кенг қўлланилиши натижаси бўлиб, жиддий экологик оқибатларга олиб келди. Кейинчалик, ушбу моддалар таъқиқлангач вазият аста-секин яхшиланди. Бироқ, озон инсоният ҳали назорат қила олмайдиган бошқа таъсирларга ҳам дучор бўлади.

Озон тешиги 2023 йилда одатдагидан эртароқ очилди ва унинг яна қачон ёпилиши ҳозирча номаълум. Яна бир тахминларга қараганда бу атмосферага жуда кўп миқдорда сув буғини чиқарган Тонга вулқонининг кучли отилиши билан боғлиқ бўлиши мумкин.