Анчелотти «бешлик» рекордини ўрнатди
«Реал Мадрид» Карло Анчелотти қўл остида Испания чемпионига айлангач, 62 ёшли италиялик ажойиб рекорд қайд этди — топ-5 Европа лигаларининг барчасида ўз жамоаларини чемпион қилган мураббий!
2004 йили Анчелотти бош мураббийликдаги илк «олтин»ини «Милан» билан қўлга киритганди.
2010 йилда кейинги ғалаба — Англия премьер-лигаси, «Челси».
2013 йилда «Пари Сен-Жермен»ни Лига 1 (Франция)да чемпионликка элтди.
2017 йилда «Бавария» билан Бундеслига ғолиблигини нишонлади.
2022 йилда — «Реал» Ла Лига чемпиони.
Анчелоттининг энг яқин таъқибчилари — Хосеп Гвардиола ва Жозе Моуриньо. Гвардиола Испания, Германия ва Англияни, Моуриньо Италия, Англия ва Испанияни «забт этган». Бироқ бу икки мутахассис топ-чемпионатларнинг барчасида ҳам ишламаган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter