2018 йилда бизни нималар кутмоқда? Жаҳонда рўй берадиган муҳим воқеа ва ҳодисалар анонси.

1 январ

• Ален Берсе Швейцария президенти лавозимида иш бошлади.
• Россия ЕАЭС (Евроосиё иқтисодий иттифоқи)да раисликка киришди.
• Болгария – шу санадан Европа Иттифоқи раиси.

2 январ

• Молдова Конституцион суди президент Игор Додоннинг ваколатларини тўхтатди.

5 январ

• Марсга учувчи бошқарувидаги космик кемани жўнатиш режалаштирилган.

8 январ

• Сандра Мэйсон Барбадос генерал-губернатори давозимида ишга киришади.

16 январ

• Собиқ футболчи Жорж Веа Либериянинг янги президенти сифатида иш бошлайди.

28 январ

• Финляндияда президентилик сайловлари бўлиб ўтади.

Бу ойда, шунингдек, АҚШнинг «Falcon Heavy» ракета-ташувчиси биринчи синов-парвози амалга оширилиши ҳам кутиляпти.

1 феврал

• «Восточный» космодромидан  иккита «Канопус-В» космик аппарати ортилган «Союз-2.1а» ракета-ташувчисининг учирилиши режалаштирилган.

9–25 феврал

• XXIII Қишки Олимпия ўйинлари (Пхёнчхан, Корея Республикаси).
• «Бойқўнғир» космодромидан «Прогресс МС-08» транспорт-юк кемаси учирилади.

15 феврал

• Қуёшнинг қисман тутилиши – Антарктида ва Жанубий Америкада кузатилади.

1 март

• Гвианадаги космик марказдан O3b F4 космик қурилмаси ортилган «Союз СТ-Б» русумли ракета-ташувчи парвоз қилади.

4 март

• Италияда парламент сайловлари.

9–18 март

• XII Қишки Параолимпия ўйинлари (Пхёнчхан, Корея Республикаси).

11 март

• Себастян Пинера Чили президенти сифатида ишга киришади.

15 март

• «Бойқўнғир» космодромидан бошқариладиган транспорт кемаси «Союз МС-08» фазога йўл олади.

18 март

• Россияда президентлик сайловлари.

4–15 апрел

• Ҳамдўстлик ўйинлари (Голд-Кост, Австралия).

19 апрел

• Куба Давлат кенгаши раиси Раул Кастро истеъфо бериши кутиляпти.

Апрел ойида, шунингдек, Венгрияда парламент сайловлари бўлиб ўтиши, Европа космик агентлиги (ESA) ва Япония аэрокосмик тадқиқотлар агентлиги (JAXA) ҳамкорликда Меркурий сайёрасини ўрганиш бўйича «BepiColombo» автоматик миссиясини бошлаши кутилмоқда.

4–20 май

• Даниянинг Копенгаген ва Хернинг шаҳарларида шайбали хоккей бўйича жаҳон чемпионати ўтказилади.

8–12 май

• Евровидение қўшиқлар танлови (Лиссабон, Португалия) бўлиб ўтади.

АҚШ Миллий аэрокосмик агентлиги сайёранинг ядросини тадқиқ қилиш мақсадида Марсга InSight миссиясини уюштириши, Ливанда парламент сайловлари ўтказилиши ҳам май ойига мўлжалланган

14 июн–15 июл

• Россияда футбол бўйича 21-Жаҳон чемпионати ўтказилади.

24 июн

• Саудия Арабистони аёлларига автомобил бошқаришга рухсат берувчи қарор кучга киради.

1 июл

• Россия ҳудудида аналог телевидениени узатиш тўхтатилади.

13 июл

• Австралия ва Антарктидада қисман Қуёш тутилиши кузатилади.

30 июл

• Қуёшни ўрганиш учун «Solar Probe Plus» космик аппарати учирилади.      

11 август

• Европа ва Осиёда қисман Қуёш тутилиши рўй беради.

18 август–2 сентябр

• Индонезиянинг Жакарта ва Палембанг шаҳарлари Ёзги Осиё ўйинларига мезбонлик қилади.

6–18 октябр

• Аргентина пойтахти Буэнос-Айресда III Ёзги ёшлар олимпия ўйинлари ўтказилади.

Шу ойда, шунингдек, Қуёшни ўрганиш учун европаликлар ҳам ўз кемалари (Solar Orbiter (SOLO)ни учиришади, жуда кучли «Жеймс Уэбб» космик телескопи ишга тушади.

6 ноябр

АҚШда сенаторлар сайланади.

Дунё саҳнида, булардан ташқари, 2018 йили яна жуда кўплаб муҳим воқеалар юз бериши кутиляпти. Чунончи:

• Қозоғистонда аёллар учун пенсия ёши оширилиши мумкин.
• Грузияда президентлик сайловлари, Молдовада эса парламентга сайловлар бўлиб ўтади.
• Батумида Бутунжаҳон шахмат олимпиадаси ўтказилади.
• Туркманистондан бошланиб Афғонистон ва Покистон орқали ўтувчи газ қувури Ҳиндистонгача етиб боради.
• Германиядан Норвегия томон тортилган узунлиги 600 километрли, қуввати 1,4 минг мегаваттга тенг «NordLink» сув ости кабели ишга туширилади.
• Россия ва Европадаги энг баланд бино, «Газпром нефт»нинг Санкт-Петербургдаги расмий штаб-квартираси – «Лахта-центр» (баландлиги – 486 метр) қурилиши якунланади.