Фаолияти тўхтатилган «Туркистонбанк» ва «Hi-Tech Bank» мижозларига қанча миқдордаги омонатларни қайтариши маълум бўлди.

Бу ҳақида Марказий банк Департаменти директори Санжар Носиров маълумот берди.

– Бугунги кунда «Туркистонбанк»да аҳолининг 339 миллиард сўм, «Hi-Tech Bank»да эса 5 миллиард сўмлик омонатлари бор.  Юқоридаги икки банк омонатчиларининг барча маблағлари 2 ойдан сўнг биринчи навбатда тўлиқ қайтарилади.

Лицензияси чақириб олинаётган юқоридаги икки банк омонатчилари ўзларини хотиржам ҳис қилишлари мумкин, – дейди Марказий банк расмийси.

Шунингдек, «Туркистон» ва «Hi-Tech Bank» фаолияти нега тўхтатилганига изоҳ берилди.

Қайд этилишича, «Туркистонбанк»нинг капитали 140 миллиардни, «Hi-Tech Bank» капитали эса, 90 миллиардни ташкил этади.

Амалдаги таритбга кўра, банклар устав капиталига нисбатан 100 миллиард сўмлик талаб бор.

«Туркистонбанк»да 117 миллиард устав капитали бўлган. «Hi-Tech Bank»да 116 миллиард устав капитали шакллантирилган. Умумий капитали устав капиталидан кам бўлганлигининг сабаби зарар кўргани учун умумий капитали камни ташкил қилган.