Ўзбекистон Республикаси Маданият вазирлиги «Уйдаги юлдузлар» танлови ўтказиши ҳақида хабар берилган эди. Вазирлик бу борада қўшимча маълумот киритди.

Унга кўра, жорий йилнинг 30 апрел кунига мўлжалланган тақдирлаш маросими 11 майга қолдирилди.

«25 мартдан 25 апрелга қадар давом этган танловга бир ой муддатда жами 49790 та ижодий ишлар келиб тушди.

Шундан 33968 та фото, 15823 та видео материаллар, 887 та файл форматдаги материаллар, 751 та ҳаволалар (ссылка) 289 та аудио файллар, 345 та овозли хабар тарзидаги ижодий ишлар @mvforbot орқали қабул қилинди.

Ижодий ишлар ишчи гуруҳга саралаш учун йўналтирилган эди.

Ҳар бир иштирокчининг ижодий ишлари танлов ишчи гуруҳи томонидан индивидуал тарзда ўрганилмоқда. Бу эса табиийки вақт талаб этади. Шу сабабли тақдирлаш маросими 2020 йилнинг 11 май кунига қолдирилганини маълум қиламиз.

Ғолиблар Маданият вазирлигининг @madaniyatvazirligi телеграм канали ва madaniyat.uz расмий сайти, шунингдек Facebook ва Instagram саҳифалари орқали эълон қилинади.

Бизни кузатиб боринг», — дейилади вазирлик хабарида.