O‘zbekiston Respublikasi Madaniyat vazirligi «Uydagi yulduzlar» tanlovi o‘tkazishi haqida xabar berilgan edi. Vazirlik bu borada qo‘shimcha ma’lumot kiritdi.

Unga ko‘ra, joriy yilning 30 aprel kuniga mo‘ljallangan taqdirlash marosimi 11 mayga qoldirildi.

«25 martdan 25 aprelga qadar davom etgan tanlovga bir oy muddatda jami 49790 ta ijodiy ishlar kelib tushdi.

Shundan 33968 ta foto, 15823 ta video materiallar, 887 ta fayl formatdagi materiallar, 751 ta havolalar (ssilka) 289 ta audio fayllar, 345 ta ovozli xabar tarzidagi ijodiy ishlar @mvforbot orqali qabul qilindi.

Ijodiy ishlar ishchi guruhga saralash uchun yo‘naltirilgan edi.

Har bir ishtirokchining ijodiy ishlari tanlov ishchi guruhi tomonidan individual tarzda o‘rganilmoqda. Bu esa tabiiyki vaqt talab etadi. Shu sababli taqdirlash marosimi 2020 yilning 11 may kuniga qoldirilganini ma’lum qilamiz.

G‘oliblar Madaniyat vazirligining @madaniyatvazirligi telegram kanali va madaniyat.uz rasmiy sayti, shuningdek Facebook va Instagram sahifalari orqali e’lon qilinadi.

Bizni kuzatib boring», — deyiladi vazirlik xabarida.