Андроид қурилмалар учун Xabar.uz мобил иловаси. Юклаб олиш ×

«Швед модели»дан олимлар норози

«Швед модели»дан олимлар норози

Фото: «Газета.ру»

Мамлакат коронавирусга қарши қўлланаётган кураш усуллари швед олимларида шубҳа уйғотмоқда. Эслатиб ўтамиз, Швецияда, қўшни мамлакатларга солиштирганда, анча юмшоқ чоралар қўлланмоқда.

Швецияда тўлиқ карантин йўқ: мактаблар ва боғчалар ишлаяпти, ресторанлар очиқ, махсус рухсатномалар татбиқ этилмаган. Шунинг баробарида фуқаролардан масофани сақлаш, 50 дан ортиқ одам бир жойга тўпланмаслиги сўралмоқда.

Андерс Тегнелл

Мамлакат бош эпидемиологи Андерс Тегнелл шу стратегиянинг бошида турганлардан бири. Март ойида унинг режасига Швециянинг икки минг нафар олими қарши чиққанди. Мухолифлар ушбу стратегия самарадорлиги ҳеч бир исботга эга эмаслигини далиллашмоқда.

«Коронавирусдан қурбонлар асосан кексалар даволанаётган муассасаларда учраяпти. Бу жойларда касаллик тарқаб кетишга улгурган. Нега қўшни мамлакатларда эмас, айнан Швецияда бундай бўлди — биз мана шуни аниқлаш пайидамиз», — деди Тегнелл.

Швецияда коронавирус билан 33 мингдан ортиқ фуқаро касалланган ва шулардан 4 минг нафари вафот этган. Солиштириш учун: қаттиқ карантин чоралари қўлланган қўшни мамлакатларда аҳвол шундай: Данияда 560 киши, Норвегияда 235 киши коронавирус қурбонига айланди.

«Мен олимман, ҳукуматга эмас, маълумотларга ишонаман. Танланган стратегия энг яхши йўллигини исботлай оладиган шаффоф маълумотларни эса кўрмаяпман», — деди вирусолог Сесилия Содерберг-Науклер.

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг